திரு.வைரமுத்து, ICLS, நிறுவனப் பதிவாளர், கோயம்புத்தூர்

ஒரே நாளில் படித்து முடித்தேன். சில பகுதிகளைத் திரும்பத் திரும்பவும் படித்தேன். பொதுவாக நான் இரண்டு வகையான புதினங்களைப் படித்திருக்கிறேன். அடுத்தது என்ன நடக்கும் என்ற பரபரப்பை ஏற்படுத்தும் துப்பறியும் கதைகள், போர்க் கதைகள் என்று ஒரு வகை. மென்மையான உணர்வுகளை ஆழமாக நம்முள் கடத்தி முழு கதையையோ அல்லது சில பகுதிகளையோ திரும்பத் திரும்பப் படித்து ரசிக்க வைக்கும் கவிதை வகைக் கதைகள். இரண்டும் கலந்த ஒரு கலவையாக இந்தப் படைப்பு. கதைத் தலைவியாக வருபவரின் வாழ்க்கைப் போராட்டத்தையும், அதன் ஊடாகத் தனக்குள்ளே நடக்கும் உள்ளப் போராட்டத்தையும் அழகாக நமக்குக் கடத்தியிருக்கிறார். அப்படியான இரண்டு வகைப் போராட்டங்களும் காலத்தோடு சேர்ந்து எத்தகைய பரிணாமத்தை நோக்கி வளர்கின்றன என்பதையும் நம் கண் முன்னே நிகழ வைக்கிறார் ஆசிரியர். போராட்டக் கதையை அழகியலோடு படைக்கும் திறனைப் பெற்ற ஒரு நூலாசிரியரின் அழகிய படைப்பு.

ஸ்ரீமதி. எஸ் பிரியா

அழகிய நட்பு, காதல், கனவு மற்றும் பல்வேறு சூழல்களில் இருந்து ஐ.ஏ.எஸ். படிப்பதற்காக வரும் இளைய தலைமுறை இலட்சியப் பாதையை உள்ளடக்கிய கதை!

பி. பிரியங்கா, எம்.பி.ஏ.

இந்த கதையிலிருந்து நான் தெரிந்து கொண்டவை தைரியமும், தன்னம்பிக்கையும்! பயத்தை தவிர்த்தால் எதையும் எளிதில் சாதிக்கலாம் என்பதினை தெரிந்து கொண்டேன். கார்த்திகேயனியின் கதாபாத்திரம் பெண்கள் சாதித்து காட்ட வேண்டும் என்பதையும் தாண்டி பெண்களின் பாதுகாப்பையும் உறுதி செய்வதாக ஊக்குவிக்கிறது.